header

header
aceh
  • Latest News

    Saturday, January 24, 2015

    Nyanyian Anak-anak Aceh

    Nyanyian Anak-anak Aceh

    Disusun kembali oleh:  T.A. Sakti
    1. Nyanyian Anak  Aceh Tempo Dulu
    2. 1. Lagu bermain “Mei-mei Ukam” yang berbunyi :
    “Mei-mei ukam boh mamplam tuha muda
    On sion campli mangat Qur’an tamat malam jula
    Co lulop-co lulop nyang dilikot khob sidroe
    …2.Pok pok ye
    Ma ublang Du ugle
    Pot boh Me saboh karang
    Pot boh Ram saboh tangke
    Nyang putik taprom di Bak
    Nyang masak tapajohle
    Tasak uyub bruek
    ‘oh talhuek ka hanale
    Dicokle Sipuree
    ‘Oh talakee han jibrile
    Keterangan :
    3. Syok-syok  Mbeng
    Kupurang-kupureng
    Datok seundi datok seundang
    Dara blang dara bideng
    Cok kleng culek gapu
    Meuharu bak bak jok
    Meusarok bak bak pisang
    Bak pisang pade layee
    Bak rubee pade muda
    Syot ranub sikureueng on
    Syot jantong sikureueng boh
    Syulluem pat boh
    Beudoh jak mita
    Tangguleng-tangguleng
    Uraiannya :
    4. Kuek saree-saree
    Han kaweuek mate ban lhee
    Kuek saruek-saruek
    Mate Ma pat kaduek
    Kaduek cong jeuraloh
    Katoeh boh saboh paruek
    Keterangan :
    5. Got-got panyang iku
    Geulungku panyang mata
    Nyang tabri han jipajoh
    Nyang tatroh jijak mita
    Keterangan :
    6. Ak-ak mate Ma ho kajak
    Kajak u gle
    Ku seubude ban tangkurak
    Kajak bak kee
    Ku seubee ngon tanoh cak
    Uraiannya :
    7. Kleueng puteh ulee
    Keulabee mirah mata
    Jipo jeuoh-jeuoh
    Jipiyoh di gampong Jawa
    Gampong Jawa pihka tutong
    Jak bloe bakong keu keurija
    Keurija hana jadeh
    Linto weh malam jula
    Pakon kaweh dikah linto
    Jeulamei le han ek lon ba
    Uraiannya :
    8. Hiem aneukmiet :
    Tob mie lhee
    Tob asee lhee
    Tob jareueng-jareueng
    Cuba bileueng na siploh lhee
    9. Hiem aneukmiet :
    On mulieng meukru
    On labu meu-ulat
    Rot barat ureung beuet Nah’u
    Rot timu ureueng seumurat
    10. Astaghfirullah
    Lana wa lahu
    Mingkul lizanbin kana ‘indahu
    Buleuen di langet jitron u bumoe
    Nabi geutanyoe ji peumulia
    Buleuen disujud ubak panghulee
    Lam sapai bajee jigisa-gisa
    Ji beudoh sinan ji lingka K’akbah
    Rakyat barullah jikalon rupa
    Tujoh seun tujoh jilingka sabe
    Hireun sikafe asoe Nuraka
    Ji beudoh sinan jiek u langet
    Bintang meublet-blet pujoe Rabbana
    Keterangan :
    11. Allahu Allah Allahu Rabbi
    Liwaul hamdi anta tahtiya
    Liwaul hamdi payong Muhammad
    Kalimah meusurat lapan boh punca
    Punca awai phon geusurat Bismillah
    Alhamdulillah punca keudua
    Punca nyang keulhee kalimah taiyibah
    Peuet nama Allah ‘Azza wa Jalla
    Punca keulimong geupeunan kiblat
    Punca nam meuhat geupeujeuet donya
    Punca keutujoh peusuroh Tuhan
    Punca keulapan Syuruga Nuraka
    12. Buleuen di bapeun
    Bintang di binteh
    Ho Ma keuh Nyak Buleuen
    Jak pok tumpeun u beurandeh
    Peu tupeun tupeun nudang
    Tikoh cang lam lungkiek binteh
    13. Bukon sayang lon kalon buweh
    Puteh-puteh di laot raya
    Bukon sayang lon kalon wareh
    Meu-oek ka puteh seumbahyang hana
    Tuleung ka guruek urat ka kundo
    Pakon Teungku E seumbahyang hana
    Yoh masa muda tapreh ohtee syik
    Yoh masa putik tapreh ‘oh tuha
    Jinoe ka tuha meupeu tapreh lom
    Tapreh geusumpom dalam keureunda (?)
    14. Do doda idi
    Mirah pati patah teuot
    Mate Ma bak ulee jingki
    Mate Abi bak raga eungkot
    –          Do doda idi
    Peuraho bungka u Idi
    Jiboeh layeue  hitam hijo
    Leuho-leuho troh u Idi
    15. Laa ilaha illallah
    Nabiyullah ka neu wafeuet
    Leupah Nabi neuwoe bak Tuhan
    Tinggai Quru’an ngon seulaweuet
    ‘Umar ‘Usman ‘Ali
    Abubakar sahabat Nabi
    Tuan Fatimah binti Rasuli
    Nabi Muhammad Janjongan kami
    Ya Muhammad Ya Habibi
    Neupreh kamoe bak ulee Titi
    Titi haloh lagi tajam
    Bek meusireuk tapak gaki
    16. Apabila mate dum aneuk Adam
    Putoeh ‘amalan sinoe di donya
    Malengkan nyang na Poma ngon Ayah
    Beuna neukeubah meulhee peukara
    Nyang peurtama phon seudeukah jariyah
    Bak jalan Allah meuna neutem bri
    Teuma keudua ‘ileumei meunafaat
    Peutunyok umat bekroh lam jahe
    Aneuk nyang shaleh teuma nyang keulhee
    Lam jeueb-jeueb watee meudo’a sabe
    ‘Oh lheuh seumbahyang do’a jilakee
    Pahla meuteumei bak Allah sabe
    Keterangan :
    17. Amin Amina
    Ya Rabbal ‘Alamina
    Istajib do’a ana
    Kullana ajma’ina
    18. Syek kureh
    Mate kurang
    Teubiet glang ngon sikura
    Ku tunyok hanco ku teungon ceukang
    Mate glang ngon sikura
    19. Allah hai cang geuliwang kayee
    Janggot ka panyang seumbahnyang han bee
    Keupeue guna neu peuduek janggot
    Menoe ulon toet bekle meubulee
    Keterangan :
    20. Bak beurinyong timoh di gunong
    Anyot bungong u kuala
    Wajeb taulan ta teumanyong
    Pat han keunong ta pareksa
    Timu barat baroh tunong
    Ta teumanyong bak ‘ulama
    (sumber : Kitab Akbarul Karim, Teungku Seumatang).
    21. Dut dut apui
    Si mutui pajoh Abo
    Han kabri keulon bacut
    Ku ceudut bak asoe baho
    22. Abubaka geuculek sipoet
    Manok meulot ngon cicem pala
    Cicem pala meujudo-judo
    Dara baro meutuka ija
    Ngon soe meutuka ngon ureueng Aceh
    Leubeh-leubeh ngon  ureueng kaya
    Ureueng kaya na rumoh bapeun
    Bungong di leun meubanja-banja
    23. Tateh, Sinyak dijak u Aceh
    Keubeu ka jiwoe
    Taloe tinggai di Aceh
    • Blogger Comments
    • Facebook Comments

    0 comments:

    Post a Comment

    Item Reviewed: Nyanyian Anak-anak Aceh Rating: 5 Reviewed By: Jazari Abdul Hamid
    Scroll to Top